శివాజీ, రీతూ కౌర్ నాయకా నాయికలుగా చందన్ మూవీస్ పతాకంపై సీడీ నాగేంద్ర నిర్మాణ సారథ్యంలో రూపొందుతున్న చిత్రం ‘గురుడు’. ఈ చిత్రం నిర్మాణానంతర కార్యక్రమాలు జరుపుకుంటున్న నేపథ్యంలో దర్శకుడు కిరణ్ మాట్లాడుతూ- తాడిని తనే్నవాడుంటే, వాడి తలను తనే్నవాడు ఉంటాడంటారు పెద్దలు. ఈ సూక్తికి నిదర్శనం ఈ చిఅతం. వృత్తిపరంగా ఎలాంటి సమస్యలనైనా పరిష్కరిస్తాడని పేరున్న ఓ సాఫ్ట్‌వేర్ ఇంజనీర్, తన వ్యక్తిగత జీవితంలో ఏర్పడిన సంక్షోభాలను తట్టుకుని ఎలా నిలిచాడన్నదే ప్రధాన ఇతివృత్తం’ అని తెలిపారు. నిర్మాత మాట్లాడుతూ- సరికొత్త నేపథ్యంలో పకడ్బందీ స్క్రీన్‌ప్లేతో థ్రిల్లింగ్ అంశాలతో రూపొందుతున్న ఈ చిత్రం నిర్మాణానంతర కార్యక్రమాలు జరుపుకొని ఈ నెల 25న విడుదల చేయటానికి సన్నాహాలు చేస్తున్నామ’ని తెలిపారు. కోట శ్రీనివాసరావు, రంగనాథ్, అల్లరి సుభాషిణి, భిక్షు, వేణు తదితరులు నటించిన ఈ చిత్రానికి సంగీతం: రాజ్ కింగ్, నిర్మాత: సీడీ నాగేంద్ర, దర్శకత్వం: కిరణ్.