జయంత్, ధృతి జంటగా ఎన్‌ఎస్‌ఆర్ ఫిలింస్ పతాకంపై నిర్మిస్తున్న చిత్రానికి సంబంధించిన షూటింగ్ పూర్తయింది. ఎమ్‌ఎస్ శ్రీచంద్ దర్శకత్వంలో ఎస్.రత్నమయ్య ఈ చిత్రాన్ని నిర్మిస్తున్నారు. షూటింగ్ పూర్తయ్యాక పాట చిత్రీకరణ ఆర్‌ఎఫ్‌సిలో జరుపుతున్నారు. ఈ సందర్భంగా నిర్మాత ఎస్.రత్నమయ్య మాట్లాడుతూ షూటింగ్ పూర్తి చేసి పోస్టు ప్రొడక్షన్ కార్యక్రమాలు కూడా జరుపుతున్నామని, సరి కొత్త ప్రేమ కథగా అన్ని కమర్షియల్ అంశాలతో రూపొందిస్తున్న ఈ చిత్రంలో నటిస్తున్న వారు బాగా చేస్తున్నారని తెలిపారు. రెండు పాటలను త్వరలో బ్యాంకాక్‌లో చిత్రీకరించడానికి వెళ్లనున్నామని, త్వరలో ఓ మంచి పేరును ప్రకటించనున్నామని ఆయన వివరించారు. అన్ని కార్యక్రమాలు పూర్తి చేసి ఈ నెలలోనే ఆడియో విడుదల కూడా చేయడానికి సన్నాహాలు జరుగుతున్నాయని అన్నారు. ఈ చిత్రానికి నిర్మాత: ఎస్.రత్నమయ్య, దర్శకత్వం:ఎమ్.ఎస్.శ్రీచంద్.