సహకార ఎన్నికల్లో టిడిపిదే విజయం

పుత్తూరు, జనవరి 27: జరగనున్న సహకార ఎన్నికల్లో తెలుగుదేశం పార్టీకి చెందిన రైతులు విజయం సాధిస్తారని నగరి ఎమ్మెల్యే గాలి ముద్దుకృష్ణమనాయుడు ధీమా వ్యక్తం చేశారు. ఆదివారం స్థానిక టిబిలో ఏర్పాటు చేసిన సమావేశంలో ఆయన మాట్లాడుతూ కాంగ్రెస్ పార్టీ నాయకులు, వైఎస్‌ఆర్ కాంగ్రెస్ పార్టీ నాయకులు ఎన్ని పథకాలు వేసినా జిల్లాలో తెలుగుదేశం పార్టీ సహకార సంఘాల ఎన్నికల్లో విజయం తథ్యం అని జోస్యం చెప్పారు. అందుకు ప్రతి తెలుగుదేశం పార్టీ నాయకులు, రైతులు కష్టపడి అభ్యర్థుల విజయానికి కృషి చేయాల్సిన అవసరం ఉందన్నారు.