మాడ్రిడ్, ఫిబ్రవరి 3: రియల్ మాడ్రిడ్‌కు ఎన్నో చిరస్మరణీయ విజయాలను సాధించిపెట్టిన స్టార్ ఆటగాడు క్రిస్టియానో రొనాల్డో గ్రనడాతో జరిగిన మ్యాచ్‌లో ప్రత్యర్థిని గెలిపించాడు. అతను చేసిన సెల్ఫ్ గోల్ గ్రనడాను 1-0 తేడాతో విజయపథంలో నడిపింది. మ్యాచ్ ఆరంభం నుంచి మాడ్రిడ్ నింపాదిగా ఆడుతూ, ప్రత్యర్థి ఆటగాళ్ల సహనానికి పరీక్ష పెట్టారు. గ్రనడా జట్టు గోల్స్ కోసం ఎన్నిసార్లు ప్రయత్నించినా ఫలితం లేకపోయింది. మాడ్రిడ్ అభేద్యమైన రక్షణ వలయాన్ని ఛేదించలేక చేతులెత్తేసింది. మ్యాచ్ డ్రాగా ముగుస్తుందని అంతా అనుకుంటున్న తరుణంలో రొనాల్డో సెల్ఫ్ గోల్ చేశాడు. అనంతరం ఈ పరిణామంతో కంగుతిని, పొరపాటును సరిదిద్దుకోవడానికి గోల్స్ చేసే ప్రయత్నం చేశాడు. కానీ, అతని శ్రమ వృథా అయింది. గ్రనడా అనూహ్యంగా విజయాన్ని నమోదు చేసింది.
రియల్ మాడ్రిడ్‌కు
english title:
re
Date:
Monday, February 4, 2013