మహిళల వనే్డ సిరీస్

దంబుల్లా, ఫిబ్రవరి 22: మూడు మ్యాచ్‌ల వనే్డ సిరీస్‌లో భాగంగా శుక్రవారం జరిగిన తొలి మ్యాచ్‌లో శ్రీలంక మహిళల జట్టును వెస్టిండీస్ మహిళల జట్టు నాలుగు వికెట్ల తేడాతో ఓడించి బోణీ చేసింది. తొలుత బ్యాటింగ్‌కు దిగిన లంక 50 ఓవర్లలో తొమ్మిది వికెట్లకు 164 పరుగులు చేసింది. కెప్టెన్ శశికళ సిరివర్దనే 28 పరుగులతో టాప్ స్కోరర్‌గా నిలిచింది. అనంతరం బ్యాటింగ్‌కు దిగిన విండీస్ 38 ఓవర్లలో ఆరు వికెట్లు కోల్పోయి లక్ష్యాన్ని చేరింది. దియేంద్ర డోటిన్ 43 పరుగులు సాధించి విండీస్ విజయంలో కీలక పాత్ర పోషించింది.
ఓపెన్-13 సెమీస్‌కు బొపన్న-ఫ్లెమింగ్
మార్సెలీ (ఫ్రాన్స్), ఫిబ్రవరి 22: బ్రిటిష్ ఆటగాడు కొలిన్ ఫ్లెమింగ్‌తో కలిసి డబుల్స్ విభాగంలో పోటీపడుతున్న భారత స్టార్ రోహన్ బొపన్న ఎటిపి ఓపెన్-13 టెన్నిస్ టోర్నమెంట్‌లో సెమీ ఫైనల్స్ చేరాడు. క్వార్టర్ ఫైనల్స్‌లో బొపన్న-ఫ్లెమింగ్ జోడీ 6-3, 6-7, 10-7 ఆధిక్యంతో జేమ్స్ కారెటానీ, అదిల్ షమాస్‌దిన్ జోడీపై గెలుపొందింది.
బిసిఐఎం ర్యాలీ ప్రారంభం
కోల్‌కతా, ఫిబ్రవరి 22: బిసిఐఎం కార్ ర్యాలీ శుక్రవారం ప్రారంభమైంది. జెండా ఊపి ర్యాలీని ప్రారంభించిన పశ్చిమ బెంగాల్ ముఖ్యమంత్రి మాట్లాడుతూ, ఆగ్నేయాసియా దేశాలైన బంగ్లాదేశ్, చైనా, భారత్, మైన్మార్‌లలో ఈ ర్యాలీ వల్ల శాంతి స్థాపన సాధ్యమవుతుందని వ్యాఖ్యానించారు.