నూతన నటులు అనీష్ తేజేశ్వర్, సింధు లోక్‌నాథ్ జంటగా ఆ నలుగురు ఫిలిమ్స్ ప్రై.లిమిటెడ్ పతాకంపై నిర్మిస్తున్న చిత్రం ‘కాఫీ విత్ మై వైఫ్’. విద్యాసాగర్ దర్శకత్వంలో దర్శకుడు మదన్ నిర్మించారు. రెండు పాటలు మినహా టాకీపార్ట్ పూర్తయింది. ఈ సందర్భంగా హైదరాబాద్ ఫిలిం ఛాంబర్‌లో జరిగిన పాత్రికేయుల సమావేశంలో నిర్మాత మదన్ మాట్లాడుతూ అనుకున్న విధంగా అనుకున్న సమయానికి షూటింగ్ పూర్తిచేయగలిగామనీ, రెండు పాటలు చిత్రీకరించవలసి ఉందని అన్నారు. ఈ రెండు పాటలు విదేశాల్లో చేస్తామనీ, ఆడియోను ఈనెలాఖరులో, చిత్రాన్ని వేసవికి విడుదల చేయడానికి సన్నాహాలు చేస్తున్నామని అన్నారు. భార్యభర్తల మధ్య సరికొత్త ఎలిమెంట్‌ను బేస్‌చేసుకుని ఈ చిత్రాన్ని చేసామనీ, టైటిల్ వింటేనే అనేక సన్నివేశాలు మనసులో మెదులుతాయని దర్శకుడు విద్యాసాగర్ తెలిపారు. పైకి శత్రువుల్లా ఉన్నా, లోపల భార్యాభర్తలిద్దరూ స్నేహితులేనని, వారిది రొమాంటిక్ వార్‌గా పరిగణించాలని, వంద శాతం చిత్రం బాగా వచ్చిందని ఆయన తెలిపారు. మెచ్యురిటీ లవ్‌తో యూత్‌ఫుల్ చిత్రంగా ప్రేక్షకులకు నచ్చుతుందని ఆయన అన్నారు. కార్యక్రమంలో నీలం శంకర్, హీరో అనీష్ పాల్గొన్నారు. కారుమంచి రఘు, మధు, హరి, పార్ధసారథి తదితరులు నటిస్తున్న ఈ చిత్రానికి సంగీతం: మంత్ర ఆనంద్, కెమెరా: డి.వి.విశే్వశ్వర్, ఎడిటింగ్: కార్తీక్ శ్రీనివాస్, ఆర్ట్: నాగేంద్ర, సమర్పణ: నీలం శంకర్, కథ, మాటలు, నిర్మాత: మదన్, స్క్రీన్‌ప్లే, దర్శకత్వం: విద్యాసాగర్.