చెన్నై, ఏప్రిల్ 16: ఐపిఎల్-6 క్రికెట్ టోర్నీలో భాగంగా బుధవారం సాయంత్రం పుణేలో సన్‌రైజర్స్ హైదరాబాద్‌తో జరుగనున్న లీగ్ మ్యాచ్‌లో ఆతిథ్య పుణే వారియర్స్ ఆల్‌రౌండర్ యువరాజ్ సింగ్ బరిలోకి దిగడం లేదు. ఈ విషయాన్ని యువీ సహచర సభ్యుడు రాస్ టేలర్ మంగళవారం ధృవీకరించాడు. గాయంతో బాధపడుతున్న యువరాజ్ సింగ్ మాజీ చాంపియన్ చెన్నై సూపర్ కింగ్స్‌తో సోమవారం జరిగిన మ్యాచ్‌కు కూడా దూరంగా ఉన్న విషయం విదితమే. గాయం నుంచి యువరాజ్ కోలుకోనందున బుధవారం జరిగే మ్యాచ్‌లో అతను ఆడటం లేదని టేలర్ తెలిపాడు.
జైపూర్‌లో ‘రాయల్స్’ వర్సెస్ ముంబయి
కాగా, బుధవారం రాత్రి జైపూర్‌లో జరుగనున్న మరో లీగ్ మ్యాచ్‌లో ఆతిథ్య రాజస్థాన్ రాయల్స్ జట్టు ముంబయి ఇండియన్స్‌తో తలపడనుంది. సభ్యులందరి సమష్టి కృషితో ఇప్పటివరకూ నిలకడగా రాణించిన రాజస్థాన్ రాయల్స్ జట్టు ఈ మ్యాచ్‌లోనూ అదే జోరును కొనసాగించాలని ఎదురుచూస్తోంది. అయితే దిగ్గజ జట్టుగా పేరున్న ముంబయి ఇండియన్స్‌పై విజయం సాధించడం ‘రాయల్స్’కు అంత సులభమేమీ కాదు. దీంతో ఈ మ్యాచ్‌లో విజయం ఎవరిని వరిస్తుందోనని క్రికెట్ అభిమానులు ఎంతో ఆసక్తితో ఎదురుచూస్తున్నారు.
ఐపిఎల్-6 క్రికెట్ టోర్నీలో భాగంగా బుధవారం
english title:
s
Date:
Wednesday, April 17, 2013