‘మాంటే కార్లో’ మాస్టర్స్‌లో పేస్ జోడీ బోణీ

మాంటే కార్లో, ఏప్రిల్ 16: మాంటే కార్లో మాస్టర్స్ ఎటిపి టెన్నిస్ టోర్నమెంట్ డబుల్స్ విభాగంలో భారత స్టార్ ఆటగాడు లియాండర్ పేస్, అతని భాగస్వామి జుర్గెన్ మెల్జెర్ (ఆస్ట్రియా) శుభారంభం చేశారు. ఈ టోర్నీలో అన్ సీడెడ్ జోడీగా బరిలోకి దిగిన పేస్- మెల్జెర్ స్థానిక ఆటగాళ్లు బెంజమెన్ బాలెరెట్, గిల్యూమ్ కౌలార్డ్ జోడీపై 6-3, 7-5 వరుస సెట్ల తేడాతో సునాయాసంగా విజయం సాధించారు. రెండో రౌండ్‌లో పేస్-మెల్జెర్ భారత జోడీ మహేష్ భూపతి-రోహన్ బొపన్నతో తలపడనున్నారు.