సుమంత్ హీరోగా చంద్రసిద్దార్థ్ దర్శకత్వంలో ఆ నలుగురు ఫిలిమ్స్ పతాకంపై మదన్ నిర్మిస్తున్న చిత్రం ‘ఏమో...గుర్రం ఎగరావచ్చు’. పింకీ సావిక కథానాయిక. ఇటీవలే హైదరాబాద్‌లో ఓ షెడ్యూలు పూర్తిచేశారు. ఈనెల 25నుంచి అమెరికాలో మరో భారీ షెడ్యూల్ చేయబోతున్నారు. ఈ సందర్భంగా దర్శకుడు చంద్రసిద్దార్థ్ మాట్లాడుతూ- ‘‘సుమంత్‌తో ‘మధుమాసం’ త ర్వాత మళ్ళీ ఈ సినిమా చేస్తున్నాను. ఇదొక రొమాంటిక్ ఎంటర్‌టైనర్. కాంచీ తాను డైరెక్ట్ చేద్దామని ఈ కథ తయారుచేసుకున్నారు. మేం అడగ్గానే ఈ కథ ఇచ్చేశారు. ఆధునిక దృక్పథం ఉన్న అమ్మాయికి, పల్లెటూరి కుర్రాడికి మధ్య సాగే వినోదాత్మక కథ ఇది’’ అని చెప్పారు. బ్యాంకాక్‌లో స్టార్ హీరోయిన్ అయిన పింకీ సావిక ఇందులో నాయికగా చేస్తున్నారని మదన్ తెలిపారు. చిత్ర సమర్పకుడు నీలం శంకర్ మాట్లాడుతూ - ‘‘ఈనెల 25నుంచి నెలరోజులపాటు అమెరికాలో ము ఖ్య సన్నివేశాలను, పాటలను చిత్రీకరించబోతు న్నాం. తొలి షెడ్యూలుతో 50 శాతం టాకీ పూర్తయింది. కీరవాణి సంగీతం ఈ చిత్రానికి ప్రధాన బలం’’ అని చెప్పారు. ఈ చిత్రానికి కథ-మాటలు: ఎస్. ఎస్. కాంచీ, కెమెరా: చంద్రవౌళి, ఆర్ట్: నాగేంద్ర, సాహిత్యం: చైతన్యప్రసాద్, స్క్రీన్‌ప్లే-నిర్మాత: మదన్.