జగపతిబాబు, దీప్సిక జంటగా శ్రీ సంతోషి క్రియేషన్స్ పతాకంపై సంతోష్ దర్శకత్వంలో సంతోష్ వెంకటేష్.కె నిర్మిస్తున్న ‘రుధిరం’ చిత్రానికి సంబంధించి తొలి షెడ్యూల్ పూర్తయింది. ఈ సందర్భంగా ఏర్పాటుచేసిన పాత్రికేయుల సమావేశంలో జగపతిబాబు మాట్లాడుతూ చాలాకాలం తర్వాత చేస్తున్న రుధిరం చిత్రం యాక్షన్ ఎంటర్‌టైనర్‌గా ప్రేక్షకుల్ని ఆకట్టుకుంటుందని, దర్శకుడు కొత్తవాడైనా అద్భుతంగా తెరకెక్కిస్తున్నాడని, నిర్మాతలు మంచి ప్లానింగ్‌తో సినిమాను నిర్మించారని తెలిపారు. యాక్షన్ ఎంటర్‌టైనర్‌గా రూపొందిన ఈ చిత్రం తొలి షెడ్యూల్ పూర్తిచేసుకుందని, మే నెలలో రెండో షెడ్యూల్ ప్రారంభిస్తామని, ఇప్పటికే రెండు పాటలు రికార్డింగ్ పూర్తిచేశామని దర్శకుడు సంతోష్ తెలిపారు. కార్యక్రమంలో సంతోషి, సుభాష్ ఆనంద్, నరసింహరాజు పాల్గొన్నారు. పరుచూరి వెంకటేశ్వరరావు, రావు రమేష్, బ్రహ్మాజీ, శివప్రసాద్, ఉత్తేజ్, తా.రమేష్, ప్రభు, అనీష్, రఘు తదితరులు నటిస్తున్న ఈ చిత్రానికి సంగీతం: సుభాష్ ఆనంద్, ఎడిటింగ్: కోటగిరి వెంకటేశ్వరరావు, కెమెరా: రాహుల్ శ్రీవత్సవ్, నిర్మాత: సంతోష్ వెంకటేష్ కె, దర్శకత్వం: సంతోష్.