ప్రభాస్ కథానాయకుడుగా ఎస్.ఎస్.రాజవౌళి దర్శకత్వంలో నిర్మిస్తున్న ప్రతిష్టాత్మక చిత్రానికి అనేక సెంటిమెంట్ ప్రకారం నటీనటుల ఎంపిక, సాంకేతిక నిపుణుల ఎంపిక జరిపారట. ఈ చిత్రంలో కథాబలమే కాదు తారాబలం కూడా భారీగా వుండేలా రాజవౌళి సన్నాహాలు చేస్తున్నారు. టెక్నీషియన్లకి, నటీనటులకి కథలో వున్న ప్రత్యేకతను వినిపించి, ఇంతవరకూ ఏ దర్శకుడు చేయని పని చేశారు. ప్రతి పాత్రకు వంద శాతం న్యాయం చేయగల వారిని ఎన్నుకుంటున్నారట. ఇందులో ముఖ్యంగా విలన్‌గా తమిళ నటుడు సత్యరాజ్ నటించనున్నారు. కబ్బా పాత్రలో నటిస్తున్న సత్యరాజ్ చిత్రంకోసం గుండుగీయించుకుని నటిస్తున్నారట. సత్యరాజ్ గుండుతో నటించిన సినిమాలన్నీ హిట్టయిన సెంటిమెంట్‌తో ఈ విధంగా ఆయనకు మేకప్ సెట్ చేశారట. ఈ పాత్రకోసం ఆయన గుండుతోనే గుర్రపు స్వారీ, యుద్ధ విద్యలు సాధన చేస్తున్నారు. గతంలో జల్లికట్టు, అమైదిపడై, మారన్ చిత్రాలలో సత్యరాజ్ గుండుతోనే నటించగా విజయవంతమయ్యాయి. అదే విధంగా ఇంకెన్ని సెంటిమెంట్లు బాహుబలి మోయనున్నాడో త్వరలో దర్శకుడే తెలియజేయాలి.