రెగ్యులర్ షూటింగ్‌లో ‘రుద్రమదేవి’

అనుష్క కథానాయికగా గుణ టీమ్‌వర్క్స్ పతాకంపై ప్రతిష్టాత్మకంగా గుణశేఖర్ స్వీయ దర్శకత్వంలో నిర్మిస్తున్న రుద్రమదేవి చిత్రానికి సంబంధించిన రెగ్యులర్ షూటింగ్ ప్రారంభమైంది. భారతదేశపు తొలి హిస్టారికల్ స్టీరియోస్కోపిక్ త్రీడి చిత్రంగా నిర్మిస్తున్న ఈ చిత్రం ప్రారంభోత్సవ సందర్భంగా దర్శక నిర్మాత గుణశేఖర్ మాట్లాడుతూ కోట్లాది రూపాయల వ్య యంతో తోట తరణి నిర్మించిన ఎరీనా సెట్‌లో రెగ్యులర్ షూటింగ్ నేడు ప్రారంభించామని, భారతదేశ చలనచిత్ర చరిత్రలో ఓ గుర్తింపు వచ్చేలా ఈ చిత్రాన్ని ఏ విషయంలో రాజీ పడకుండా అత్యున్నత సాంకేతిక విలువలతో నిర్మిస్తున్నామని తెలిపారు. చాళుక్య వీరభద్రుడిగా రానా, గణపతి దేవుడుగా కృష్ణంరాజు, శివదేవయ్యగా ప్రకాష్‌రాజ్, హరిహర దేవుడుగా సుమన్, మురారి దేవుడుగా ఆదిత్యామీనన్, నాగదేవుడుగా బాబాసెహగల్, అన్నాంబికగా నటాలియా కౌర్, ముమ్మడమ్మగా జారాషా, మదనికగా హంసానందిని, అంబదేవుడుగా జయప్రకాష్‌రెడ్డి, గణపాంబగా ఆదితీచంగప్ప, కోటారెడ్డిగా ఆహుతిప్రసాద్, టిట్ట్భిగా వేణుమాధవ్, ప్రసాదఆదిత్యగా అజయ్ తదితరులు ఈ చిత్రంలో నటిస్తున్నారని ఆయన తెలిపారు. తెలుగు జాతి గర్వించే స్థాయిలో కాకతీయ వైభవాన్ని కళ్లకు కట్టేలా నిర్మిస్తున్మామని, నేటి నుండి డిసెంబర్ వరకు జరిగే 5 షెడ్యూల్స్‌లో చిత్రం పూర్తవుతుందని ఆయన అన్నారు. తనికెళ్ల భరణి, ఎల్బీశ్రీరామ్, కృష్ణ్భగవాన్ తదితరులు నటిస్తున్న ఈ చిత్రానికి సంగీతం: ఇళయరాజా, కెమెరా: అజయ్ వినె్సంట్, ఎడిటింగ్: శ్రీకర్‌ప్రసాద్, మాటలు: పరుచూరి బ్రదర్స్, పాటలు: సిరివెనె్నల, ఆర్ట్: తోట తరణి, కథ, స్క్రీన్‌ప్లే, నిర్మాత, దర్శకత్వం: గుణశేఖర్.