హైదరాబాద్, ఫిబ్రవరి 16: సరూర్‌నగర్ మండలం అల్మాస్‌గూడ (కెజికె), అల్త్ఫానగర్, ఇబ్రహీంపట్నం కొంగరకలాన్ గ్రామాల్లో చౌకధర దుకాణ డీలర్ల (జనరల్ కేటగిరి) నియామకానికి ఔత్సాహికులైన అభ్యర్థులు దరఖాస్తు చేసుకోవచ్చునని తూర్పు డివిజన్ రెవెన్యూ డివిజినల్ అధికారి రాజేందర్ ఒక ప్రకటనలో తెలిపారు. డీలర్లకై దరఖాస్తు చేసుకొనుగోరే అభ్యర్థులు అట్టి గ్రామ నివాసి అయిన ఉండాలని, నిరుద్యోగులై ఉండాలని, అభ్యర్థుల వయస్సు 18 నుండి 40 సంవత్సరాల మధ్య వయస్సు కలిగి ఉండాలని, అభ్యర్థులు కనీసం పదవ తరగతి ఉత్తీర్ణులై ఉండాలని తెలిపారు. డ్వాక్రా గ్రూపులలకు ప్రాధాన్యత ఇవ్వటం జరుగుతుందని ఆయన కట్టి ప్రకటనలో తెలిపారు.ఆసక్తిగల అభ్యర్థులు ఈ నెల 21వ తేదీలోగా స్పెషల్ గ్రేడ్ డిప్యూటీ కలెక్టర్, ఆర్‌డిఓ కార్యాలయం, రంగారెడ్డి తూర్పు డివిజన్, మాలకుంట రోడ్, గోషామహల్, హైదరాబాద్ గారికి దరఖాస్తు చేసుకొనవచ్చని ఆయన అట్టి ప్రకటనలో కోరారు.
చౌకధరల దుకాణాలకు దరఖాస్తు చేసుకోండి
english title:
d
Date:
Friday, February 17, 2012