ఓక్లహామాలో టోర్నడో బీభత్సం.. ఏడుగురు మృతి

హూస్టన్, జూన్ 1: వరుసగా సంభవిస్తున్న భీకర తుపాను (టోర్నడో)లతో అమెరికా అతలాకుతలమవుతోంది. శుక్రవారం తాజాగా ఓక్లహామా నగరాన్ని ముంచెత్తిన తుపాను తల్లి, బిడ్డతో సహా ఏడుగురి ప్రాణాలను బలితీసుకుంది. కొద్ది రోజుల క్రితం ఇదే ప్రాంతంలో సంభవించిన భారీ తుపాను దాటికి 24 మంది మృతి చెందిన విషయం విదితమే. తాజాగా శుక్రవారం మరో పెనుతుపాను ఓక్లహామా నగరంలో బీభత్సం సృష్టించిందని, కారులో ప్రయాణిస్తున్న తల్లీ, బిడ్డ సహా ఏడుగురి ప్రాణాలను ఈ తుపాను బలితీసుకుందని, మరో 14 మంది గాయపడ్డారని అమెరికా అధికారులు తెలిపారు.