నేపాల్‌లో విమాన ప్రమాదం.. ప్రయాణికులు క్షేమం

ఖాట్మండు, జూన్ 1: ఏడుగురు ప్రయాణికులను కలిగివున్న ఒక చిన్న విమానం నేపాల్‌లోని విమానాశ్రయంలో శనివారం ఉదయం కూలిపోయింది. అయితే ఈ ప్రమాదం నుంచి ప్రయాణికులంతా సురక్షితంగా తప్పించుకున్నారు. నేపాల్‌గంజ్ నుంచి బయలుదేరిన సీతా ఎయిర్ సంస్థ విమానం స్థానిక కాలమానం ప్రకారం శనివారం ఉదయం 7.10 నిముషాలకు పొగమంచు నడుమ సిమికోట్ విమానాశ్రయంలో దిగుతుండగా ఈ ప్రమాదం సంభవించిందని, ఈ విమానం రెక్కలు ఒక గోడకు తగలడంతో ఈ ప్రమాదం చోటుచేసుకుందని అధికారులు తెలిపారు.