అనంతపురం , జూలై 1: పిట్టగోడపై కాగితాలు పెట్టుకుని నిలుచునే బరాబరా దిద్దేస్తున్న ఈ చిత్రంలోని వారు ఉద్యోగాల కోసం దరఖాస్తు చేసుకుంటున్న నిరుద్యోగులనుకుంటే మీరు పప్పులో కాలేసినట్టే. వీరంతా ఉపాధ్యాయులు. వీరు దిద్దుతున్నవి పదవ తరగతి సప్లిమెంటరీ పరీక్ష పేపర్లు. అనంతపురం నగరంలోని గిల్డ్‌ఆఫ్ సర్వీసు స్కూలులో సోమవారం కనిపించిన దృశ్యమిది. విద్యార్థి రాసిన జవాబు పత్రాలను తీరిగ్గా కుర్చీలో కూర్చుని ఒకటికి రెండుసార్లు క్షుణ్ణంగా చదివి మార్కులేయాల్సిన ఉపాధ్యాయులు ఇలా నిలుచుని పిట్టగోడపై జవాబు పత్రాలు పెట్టుకుని బరాబరా దిద్దడం చూస్తుంటే పరీక్ష రాసిన విద్యార్థుల భవిష్యత్తుతో చెలగాటమాడుతున్నట్టు లేదూ.
* నిలబడే టెన్త్ ప్రశ్నాపత్రాలు దిద్దుతున్న అనంత ఉపాధ్యాయులు
english title:
papers
Date:
Tuesday, July 2, 2013