సంజయ్, తనిష్క జంటగా లీలాకృష్ణా క్రియేషన్స్ పతాకంపై రూపొందిస్తున్న చిత్రం ‘కట్‌చేస్తే’. పడాల శివసుబ్రహ్మణ్యం దర్శకత్వంలో ఎం.ఎస్.కుమార్ నిర్మిస్తున్న ఈ చిత్రానికి సంబంధించిన షూటింగ్ దాదాపు 50శాతం పూర్తయింది. ఈ సందర్భంగా దర్శకుడు శివసుబ్రహ్మణ్యం మాట్లాడుతూ యూత్‌ఫుల్ హారర్ లవ్ ఎంటర్‌టైనర్‌గా నిర్మిస్తున్న ఈ చిత్రం కాలేజ్ నేపథ్యంలో సాగే వైవిధ్యమైన సినిమా అని, మొదటినుండి చివరి వరకు ఉత్కంఠగా సాగే ఈ చిత్రం సగం పూర్తయిందని, ఇప్పటివరకూ ఇటువంటి కథతో ఏ చిత్రమూ రాలేదని చెప్పగలనని తెలిపారు. క్వాలిటీ విషయంలో ఎక్కడా తగ్గకుండా నిర్మిస్తున్న ఈ చిత్రాన్ని దర్శకుడు అద్భుతంగా తెరకెక్కిస్తున్నారని, మొదటి షెడ్యూల్ హైదరాబాద్‌లో చేసి, రెండో షెడ్యూల్ బ్యాంకాక్, మలేషియాలో పాటల చిత్రీకరణ, కొన్ని ముఖ్యమైన కీలక సన్నివేశాల షూటింగ్ అక్కడ చేస్తామని, సినిమా విడుదలయ్యాక అందరికీ మంచి పేరువస్తుందని నిర్మాత ఎం.ఎస్.కుమార్ తెలిపారు. విజయ్, సుభాష్, జీవిత, మధుమిత ప్రధానపాత్రధారులుగా నటిస్తున్న ఈ చిత్రంలో గిరి, కృష్ణ్భగవాన్, జీవా, చిట్టిబాబు, కృష్ణేస్వరరావు, దు వ్వాసి తదితరులు నటిస్తున్నారు. ఈ చిత్రానికి సంగీతం: పూర్ణచంద్, కెమెరా: అమర్‌కుమార్, ఎడిటింగ్: బసవ పైడిరెడ్డి, నిర్మాత: ఎం.ఎస్. కుమార్, కథ, మాటలు, స్క్రీన్‌ప్లే, దర్శకత్వం: పడాల శివసుబ్రహ్మణ్యం.