న్యూఢిల్లీ, మార్చి 5: ఆస్ట్రేలియాతో జరిగే మూడు వనే్డలు, అయిదు టీ-20ల సిరీస్‌లకు భారత మహిళా జట్టు కెప్టెన్‌గా సీనియర్ బ్యాట్స్‌ఉమన్ అంజుమ్ చోప్రా ఎంపికయింది. హైదరాబాదీ మిథాలీ రాజ్ వైస్ కెప్టెన్‌గా నియమితురాలయింది. మరో హైదరాబాదీ గౌహర్ సుల్తానా కూడా చోటు దక్కించుకుంది. ఈ సిరీస్‌లో తొలి వనే్డ ఈ నెల 12న జరగనుంది. రెండో వనే్డ ముంబయిలో 14న, మూడోది కూడా ముంబయిలోనే 16న జరుగుతుంది. ముంబయిలోని క్రికెట్ సెంటర్‌లో అఖిల భారత మహిళా సెలెక్షన్ కమిటీ ఫిబ్రవరి 29న సమావేశమయ్యి జట్టును ఎంపిక చేసిందని బిసిసిఐ ఒక ప్రకటనలో తెలిపింది. టీ-20 మ్యాచ్‌లు అయిదూ విశాఖపట్నంలో ఈ నెల 18 నుంచి 23 వరకు జరుగుతాయి.
భారత జట్టు: అంజుమ్ చోప్రా (కెప్టెన్), మిథాలీ రాజ్ (వైస్ కెప్టెన్), జులన్ గోస్వామి, పూనమ్ రౌత్, అర్చనా దాస్, ఎస్ శుభలక్ష్మి, రీమా మల్హోత్రా, రుమేలీ ధార్, ఎక్తా బిస్త్, గౌహర్ సుల్తానా,సునీతా ఆనంద్, హర్మన్ ప్రీత్ కౌర్, మమతా కనోజియా, సులక్షణా నాయక్, నూషిన్ అల్ ఖదీర్.