గ్రహఫలం

గణేష్ చంద్ర - రాయప్రోలు
మీ పేరు మీద వ్యాపారం చేసుకోవచ్చు. మీ భార్య పేరుమీద ఉన్న వ్యాపారం కూడా చక్కగా ఉంటుంది. కనకపుష్య రాగం ధరించడం మీకు అన్ని విధాలా మంచిది.
ఎన్.బాబు - ఏలూరు
మీకు ఉద్యోగం వచ్చే అవకాశాలు తక్కువ. 2016 వరకు కూడా స్థిరత్వం ఉండదు. కొంతకాలం చేయడం కొంతకాలం మానేయడం ఉంటుంది. ప్రతిరోజు విష్ణుసహస్రనామ పారాయణ చేయండి.
టి.మాధవ్ - మెదక్
మీరు ప్రైవేట్ రంగంలోనే స్థిరపడతారు. సొంతంగా వ్యాపారం చేసుకోవచ్చు. 2012 ఆగస్టు తర్వాత ప్రయత్నాలు చేయండి. అప్పటివరకు వ్యాపారం చేయకూడదు.
అభిమన్యు - సికింద్రాబాద్
మీరు ఎం.బి.ఎ. చేసుకోవచ్చు. ఉద్యోగం మానేయవలసిన అవసరం రాదు. ఎటువంటి ఆటంకాలు లేకుండా ఉన్నత చదువు పూర్తి చేస్తారు. చతుర్ముఖ రుద్రాక్ష వేసుకోండి.
ఎన్.వినోద్‌కుమార్ - దుబ్బాక
మీ జన్మ నక్షత్రం ఆశే్లష, 3వ పాదం, కర్కాటక రాశి. కష్టపడి జీవితంలో స్థిరపడతారు. మీవల్ల ఇతరులు లాభాలను పొందుతారు. చంచలం అధికంగా వుంటుంది. మార్పులుంటాయి.
ఐ.సంతోష్ - రాజమండ్రి
మీకు మే 2012 నుండి శుభ సమయం ప్రారంభమవుతుంది. మంచి ఉద్యోగం లభిస్తుంది. మార్పులు ఎక్కువగా వుంటాయి. కళలు, టెక్నికల్‌కు సంబంధించిన సంస్థల్లో అవకాశం లభిస్తుంది. చంచలం తగ్గించుకుంటే మీకు మంచి భవిష్యత్తు వుంటుంది.
ఎస్.నాగశశికుమార్ - హైదరాబాద్
మీకు త్వరలో శుభ సమయం రాబోతుంది. పౌరుషంతో పట్టుదలతో కృషి చేస్తారు. మీకు ఎక్కువగా ప్రయివేటు ఉద్యోగంలో రాణించే అవకాశాలున్నాయి. 2015 సం. నుండి యోగదశ ప్రారంభం కానుంది. తొందరపాటు పనికిరాదు.
ఎస్.వినీల -హైదరాబాద్
మీరు తెలిపిన వివరాల ప్రకారం నక్షత్రం సరిపోవుటలేదు. అవకాశాన్ని అనుసరించి, సరియైన సమయం తిరిగి తెలియజేయండి. ప్రస్తుతం మాత్రం ఆందోళనకరంగా ఉండే సమయం. త్వరలో శుభ సమయం రాబోతుంది.