రోడ్డు ప్రమాదంలో ఇద్దరి దుర్మరణం

తనకల్లు, ఏప్రిల్ 28: మండల పరిధిలోని చీకటిమాని పల్లి వద్ద శనివారం రాత్రి జరిగిన రోడ్డు ప్రమాదంలో నల్లమాడ మండలానికి చెందిన ఇద్దరు వ్యక్తులు దుర్మరణం చెందారు. పోలీసుల కథనం మేరకు నల్లమాడ మండలం వంకరకుంటకు చెందిన పెద్దన్న (40), రెడ్డిపల్లికి చెందిన సన్నా అలియాస్ చి న్న నరసింహులు (30) ద్విచక్ర వాహనంలో వెళ్తుండగా మొలకలచెరువు నుం చి కొక్కంటి క్రాస్ వైపు వస్తున్న టాటా సుమో వాహనం ఢీ కొంది. దీంతో ఇద్ద రు వ్యక్తులు అక్కడికక్కడే మృతి చెందారు. ప్రమాద విషయం తెలిసిన వెంటనే తనకల్లు ఎస్సై సంఘటనా స్థలానికి చేరుకొని శవాలను పోస్టుమార్టం నిమిత్తం కదిరి ప్రభుత్వ ఆసుపత్రికి తరలించి కేసు దర్యాప్తు చేస్తున్నట్లు తెలిపారు.
దోపిడీ దొంగల చేతిలో
వృద్ధురాలి దారుణ హత్య
ఉరవకొండ, ఏప్రిల్ 28: దోపిడీ దొంగల చేతిలో వృద్ధురాలు దారుణ హత్యకు గురైన సంఘటన శనివారం ఉదయం పట్టణంలో సంచలనం రేపింది. వివరాలు.. పట్టణంలోని సాయినగర్‌లో ఉన్న నివాసం ఉంటున్న బండి జగన్నాథ్ బిస్‌ఎన్‌ఎల్ ఆఫీస్‌లో క్లర్క్‌గా పని చేస్తున్నాడు. 3 రోజుల క్రితం జగన్నాథ్ అతడి కుటుంబ సభ్యులతో శ్రీ వెంకటేశ్వరస్వామి దర్శనార్థం తిరుమల వెళ్లాడు. ఈ క్రమంలో అంబేద్కర్ నగర్‌కు చెందిన సంజమ్మ (70)ను ఇంటి వద్ద కాపలాగా పెట్టి వెళ్లాడు. రోజూ లాగానే సంజమ్మ ఇంటి బయట నిద్రిస్తుండగా శనివారం తెల్లవారుజామున గుర్తు తెలియని వ్యక్తులు ఇంటిలోకి జొరబడేందుకు ప్రయత్నించారు. ఇందులో భాగంగా ఇంటి తాళం బద్దలు కొడుతుండగా శబ్ధం రావడంతో ఆమె లేచింది. దీంతో దుండగులు ఆమె తలపై బాది దారుణంగా హత్య చేశారు. ఈ సంఘటనపై చుట్టుపక్కల వారు పోలీసులకు సమాచారం ఇవ్వడంతో హుటాహుటిన ఎస్సైలు శంకర్‌రెడ్డి, పాండు సంఘటనా స్థలానికి చేరుకుని పరిశీలించారు. సిఐ నరసింగప్ప కూడా సంఘటన స్థలాన్ని పరిశీలించారు. దీంతో పాటు శనివారం డాగ్ స్క్వాడ్‌ను రప్పించారు. సంఘటన స్థలంలో లభ్యమైన చెప్పులు ఆధారంగా జాగిలాలతో దండుగుల కోసం గాలింపు చర్యలు చేపట్టారు. అందులో భాగంగా అనుమానంతో పోలీసులు ఓ వ్యక్తిని అదుపులోకి తీసుకుని విచారిస్తున్నారు.