బంజార మూవీ ఎంటర్‌టైన్‌మెంట్స్ పతాకంపై ఆనంద్ ఇస్లావత్ దర్శకత్వంలో నిర్మించిన చిత్రం ‘హార్మోన్స్’. నూతన తారలు నటించిన ఈ చిత్రాన్ని ఎన్.ఎస్.నాయక్ నిర్మించారు. చిత్రానికి సంబంధించిన ట్రైలర్, లోగోను డి.ఎస్.రావు ఆవిష్కరించారు. ఈ సందర్భంగా చిత్ర దర్శకుడు ఆనంద్ మాట్లాడుతూ ఇప్పటికే విడుదలైన పాటలకు మంచి స్పందన లభిస్తోందని, పోస్ట్ ప్రొడక్షన్ కార్యక్రమాలు, సెన్సార్ పూర్తయ్యాయని, సెన్సార్‌వారు అభినందనలు తెలిపి, క్లీన్ యు సర్ట్ఫికెట్ ఇచ్చారని, ప్రేక్షకులకు చిత్రంలో చర్చించిన అంశం తప్పక నచ్చుతుందని, ఈ నెల 20న వినాయకచవితి కానుకగా సినిమాను విడుదల చేయడానికి సన్నాహాలు చేస్తున్నామని తెలిపారు. యువతకు ఓ మంచి సందేశాన్ని అందించే దిశగా ఈ చిత్రాన్ని రూపొందించామని, అన్ని వర్గాల ప్రేక్షకులకు నచ్చుతుందన్న ఆశాభావాన్ని నిర్మాత నాయక్ వ్యక్తంచేశారు. ఈ కార్యక్రమంలో సృజిత్, సాయిచరణ్, గురు తదితరులు పాల్గొన్నారు. శ్యామ్‌ఠాగూర్, సంతోష్‌సామ్రాట్, నందినీ రాయ్, అనూహ్యారెడ్డి, అమృత, పావనిరెడ్డి, ఎల్బీశ్రీరామ్, రంగనాథ్, గౌతంరాజు, శివనారాయణ తదితరులు నటిస్తున్న ఈ చిత్రానికి సంగీతం: ప్రవీణ్ లక్కరాజు, పాటలు: శ్రీజో, ఎడిటింగ్: అర్చన ఆనంద్, నిర్మాత: ఎన్.ఎస్.నాయక్, కథ, మాటలు, స్క్రీన్‌ప్లే, కెమెరా, దర్శకత్వం: ఆనంద్ ఇస్లావత్.