శ్రీహరి ప్రధానపాత్రలో రాజయోగి పుష్పాంజలి క్రియేషన్స్ పతాకంపై నిర్మిస్తున్న చిత్రం ‘టీసమోసాబిస్కట్’. గులాబి శ్రీను దర్శకత్వంలో కె.లక్ష్మణ్‌రావు, కోసూరు సుబ్రహ్మణ్యం ఈ చిత్రాన్ని నిర్మిస్తున్నారు. ఈ చిత్రంలోని పాటను హైదరాబాద్ సారధి స్టూడియోలో అమ్మరాజశేఖర్ నృత్య దర్శకత్వంలో చిత్రీకరిస్తున్నారు. ఈ సందర్భంగా ఏర్పాటుచేసిన పాత్రికేయుల సమావేశంలో దర్శకుడు గులాబి శ్రీను మాట్లాడుతూ హైదరాబాద్ అంటేనే సామాన్యుడికి అందుబాటులో వుండేది ఇరానీ చాయ్ అని, ప్రస్తుతం మారిన పరిస్థితుల దృష్ట్యా అది దొరకటం కూడా కష్టమైందని, ఈ కథనంతో ఈ చిత్రం ప్రేక్షకులకు నచ్చే విధంగా నిర్మిస్తున్నామని తెలిపారు. నిర్మాత సుబ్రహ్మణ్యం మాట్లాడుతూ ప్రస్తుతం ఇరానీ చాయ్ హోటల్ సెట్‌లో పాట చిత్రీకరిస్తున్నామని, కామెడీ సెంటిమెంట్‌తో సాగే ఈ చిత్రం త్వరలో పూర్తికానుందని తెలిపారు. ఈ కార్యక్రమంలో యు.బి.రాజు, హంసానందిని, అమ్మ రాజశేఖర్ పాల్గొన్నారు. సుమన్, తమ్మారెడ్డి భరద్వాజ, ఎల్బీశ్రీరామ్, టార్జాన్, ముక్తర్‌ఖాన్, తదితరులు నటిస్తున్న ఈ చిత్రానికి మాటలు: స్వామీజీ విజయ్, సంగీతం: వందేమాతరం శ్రీనివాస్, కెమెరా: వి.శ్రీనివాసరెడ్డి, కథ: ఎస్.బి, సహ నిర్మాత: పి.వి.రాజు, నిర్మాణ, నిర్వహణ: కె.యోగానంద్, నిర్మాణ నిర్మాత: గిరిరాజ్ కె.వై, నిర్మాతలు: కె.లక్ష్మణరావు, కోసూరు సుబ్రహ్మణ్యం, దర్శకత్వం: గులాబి శ్రీను.