విద్యార్థులు, మెడికల్ కాలేజీ నేపధ్యంలో సాగే ఈ చిత్రం ఓ మంచి ప్రేమకథా చిత్రంగా ప్రేక్షకులను ఆకట్టుకుంటుందని, సున్నితమైన భావోద్వేగాలే ప్రధానంగా సాగే ఈ చిత్రం అందరికీ నచ్చుతుందని దర్శకుడు రామ్‌ప్రసాద్ గుణ్ణం తెలిపారు. ఎస్.రాయ్ క్రియేషన్స్ పతాకంపై సుధారాయ్ నిర్మిస్తున్న ఈ చిత్రానికి సంబంధించిన లోగోను హైదరాబాద్ ఫిలిం ఛాంబర్ హాలులో ఆవిష్కరించారు. ఈ సందర్భంగా నిర్మాత మాట్లాడుతూ రొమాంటిక్ లవ్ స్టోరీ ద్వారా పరిచయమైన మనోజ్‌నందం ఈ చిత్రంలో కథానాయకుడుగా నటిస్తున్నారని, కాలేజీ నేపథ్యంలో అందరికీ నచ్చే విధంగా పాటలతో ఈ చిత్రం సాగుతుందని తెలిపారు. ఈ కార్యక్రమంలో చిత్రానికి సంబంధించిన టైటిల్‌ను, పోస్టర్‌ను కె.అచ్చిరెడ్డి ఆవిష్కరించారు. కార్యక్రమంలో సునీల్‌కుమార్‌రెడ్డి, బసిరెడ్డి, మనోజ్‌నందం, సమత తదితరులు పాల్గొన్నారు. అలీ, ధన్‌రాజ్, మున్నావేణు, తాగుబోతు రమేష్, కౌటిల్య తదితరులు నటిస్తున్న ఈ చిత్రానికి పాటలు: రాజ్‌గోపాల్, సాయిసునీల్, సతీష్, ఎడిటింగ్: భానునాగ్, సంగీతం: శంకర్, నిర్మాత: సుధారాయ్, కథ, కెమెరా, స్క్రీన్‌ప్లే, దర్శకత్వం: రామ్‌ప్రకాష్ గుణ్ణం.