‘ఇంగ్లీష్ వింగ్లీష్’ సినిమాతో మళ్లీ ఫామ్‌లోకొచ్చింది శ్రీదేవి. అటు బాలీవుడ్‌లోనూ, ఇటు కోలీవుడ్‌లోనూ ఈ చిత్రం అత్యధిక కలెక్షన్లను వసూలు చేసి రికార్డు సృష్టించిందట. దానికితోడు శ్రీదేవి నటన హైలెట్‌గా నిలిచిన ఈ చిత్రం తరువాత శ్రీదేవి మరికొన్ని చిత్రాలకు కాల్షీట్లుఇచ్చే ఆలోచనలో ఉంది. అయితే ఈసారి హీరోయిన్‌గానా లేక ‘ఇంగ్లీష్ వింగ్లీష్’ చిత్రంలోలా కనిపించనుందా అనేది సస్పెన్స్‌గా ఉంది. హీరోయిన్‌గా చేస్తే మళ్లీ గ్లామర్ హీరోయిన్‌గా ఇప్పుడున్న యువ కథానాయికలకు పోటీనిచ్చేలా ప్రయత్నించాలా వద్దా అన్న ఆలోచనలో కూడా శ్రీదేవి ఉన్నదట. హిందీ, తమిళంలో హిట్టయిన ఈ చిత్రం తరువాత శ్రీదేవి మళ్లీ హిందీ చిత్రాలవైపే మొగ్గుతోందని వినికిడి. ఎందుకంటే ముంబాయి చిత్రాలకు ఆలిండియా మార్కెట్ సాధించవచ్చని గతంలోనే ఆమె నిరూపించింది కదా! సో.. మరో శ్రీదేవి చిత్రం చూడ్డానికి మనం సిద్ధం కావాలి మరి!!