25న ‘తుపాకి’ ఆడియో

తమిళ నటుడు విజయ్, కాజల్ జంటగా ఎస్.వి.ఆర్. మీడియా పతాకంపై తెలుగులో అందిస్తున్న చిత్రం ‘తుపాకి’. ఎ.ఆర్.మురుగదాస్ దర్శకత్వంలో నిర్మించిన ఈ చిత్రాన్ని శోభారాణి తెలుగులో అనువదిస్తున్నారు. ఈ సందర్భంగా శోభారాణి మాట్లాడుతూ మిలటరీ ఆఫీసర్ అయిన హీరో సెలవుపై తన ఊరు వచ్చినప్పుడు ఎటువంటి అవాంఛిత సంఘటనలను ఎదుర్కొన్నాడు అనే అంశాన్ని దర్శకుడు సరికొత్తగా రూపొందించారని, స్క్రీన్‌ప్లే సరికొత్త తరహాగా వుండే ఈ చిత్రం అందరికీ నచ్చుతుందని ఆమె తెలిపారు. మురుగదాస్ చిత్రాలు సరికొత్తగా ఉంటాయని అందరికీ తెలుసని, అదే పంథాలో ఈ చిత్రం కూడా అందరికీ నచ్చేలా రూపొందిందని, ఈనెల 25న ఈ చిత్రానికి సంబంధించిన పాటలను విడుదల చేయనున్నామని ఆమె తెలిపారు. ఈ చిత్రానికి ఎడిటింగ్: శ్రీకర్‌ప్రసాద్, సంగీతం: హారిస్ జయ్‌రాజ్, నిర్మాత: శోభారాణి, దర్శకత్వం: ఎ.ఆర్.మురుగదాస్.